MZP-in zirlai hripui vei ṭanpui tum

MZP Gen.Hqrs chuan thuchhuah siamin, tun hnaiah zirlai zingah Covid-19 vei hmuh chhuah mi eng emaw zat an awm chu pawi an tih thu an tarlang. MZP hian zirlai, hripui veite chu a ṭul anga ṭanpuina pek an tum.

MZP chuan, Covid-19 vei zirlaite chu chî-âi mai lo tura chahin, anmahni enkawltute thu âwih tur leh damdawite ṭha taka ei turin an chah a; hripui laka fihlima dam taka an chhuah thuai theih nan duhsakna an hlân a ni.

MZP chuan, Lailapur-a mi ṭhenkhatin Mizoram chhunga ei leh bar leh thil hrang hrang lut tur an dan vanga Mizoram sorkarin Tripura leh Mizoram inkal pawhna kawng a siam ṭha mek chu lawmawm a tih thu an tarlang bawk.