Covid-19 vei 228 hmuh belh a ni; Hripui vei hmuh tam ber ní leh thla a thleng

April 27, Thawhlehni khan Mizoramah Covid-19 vei mi 228 hmuh chhuah a ni a, ni khata Mizorama hripui vei hmuh chhuah tam ber ni a nih bakah, thla khata hmuh chhuah tam ber thla a tling tawh. Nimin khan hripui laka fihlim tawh mi 49 chhuahtir an ni.

Covid-19 vei hmuh tharte chu mipa 178 leh hmeichhia 52 an ni a; ZMC laboratory-a hmuh chhuah mi 64 leh RAT hmanga hmuh mi 164 an ni. TrueNAT-PCR hmanga sample endik zingah positive an awm lo.

Thawhlehnia Covid-19 positive hmuh chhuah 228 hi Mizorama hmuh chhuah tam ber ní a ni a, a hmaa hmuh chhuah tam ber ní chu nikum September 9 kha niin, mi 141 hmuh chhuah a ni.

April 2021-ah hripui vei mi 1,267 hmuh chhuah tawh niin, hmuh chhuah tam ber thla a ni tawh a, a hmaa hmuh chhuah tam ber thla November 2020-a hmuh chhuah zat 1,089 chu 78-in a khûm tawh.

Nimin kha Mizorama Covid-19 vei enkawl mek tam lai ber record thar (985) a ni leh a; nikuma Mizoram puma hripui vei enkawl mek tam ber lai aiin tuna Aizawl district bika positive enkawl lai mi 739 chu an tam tawh zawk bawk.

Covid-19 vei hmuh chhuah mi 228 zinga mi 87 chu Mizorama kái chhâwng nia hriat an ni a, mi 141 chu state páwn aṭanga tun hnaia lut leh lut hlim an ni. Tualchhunga kái zingah hri kàina hriat loh mi 29 an awm a; Covid-19 natna (symptom) lang chhuak mi 99 an awm.

Nimin khan hripui laka fihlim tawh mi 49 chhuahtir an ni a, SRH-ZMC aṭangin mi pali, Durtlang BSUP CCC aṭangin mi 34, Lunglei Pukpui CCC aṭangin pakhat leh Lawngtlai CCC aṭangin mi 10 an chhuak a ni.

Mizoramah Covid-19 vei mi 5,741 hmuh chhuah a ni tawh a, mipa 3,996 leh hmeichhia 1,745 an ni. Nimin tlai dar 5 thleng khan mi 4,792 (83.47%) chhuahtir an ni tawh a, mi 13 (0.23%) thi tawhin, enkawl mek mi 936 (16.30%) an awm.

April 27, Thawhṭannia Mizorama swab sample endik dan chu - ZMC laboratory-ah 1,031, TrueNAT-PCR hmangin district pasarihah 110 leh RAT hmangin district 11-ah 2,164 a ni a; sample endik zawng zawng chu 3,305 (mipa 2,036 leh hmeichhia 1,269) niin, chu'ng aṭanga hripui vei hmuh 228 chu 6.92% a ni.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a, chumi hnua hmuh chhuah leh hmasak ber chu June 1, 2020-ah niin, ZMC laboratory-ah hmuh chhuah a ni. ZMC-ah positive 2,953 hmuh chhuah a ni tawh a, TrueNAT-PCR hmangin 725 leh RAT hmangin 2,062 hmuh chhuah a ni tawh.

April 27, 2021 thlengin Mizoramah swab sample 2,97,239 endik a ni tawh a, chu'ng aṭanga Covid-19 positive hmuh tawh zat 5,742 chu 1.93% a ni. Hripui vei hmuh tawh zinga mi 2,838 chu Mizoram chhunga kái chhâwng an ni a, mi 2,903 chu Mizoram páwn aṭanga an rawn luh hnua hmuh chhuah an ni thung.

COVID-19 VEI HMUH THARTE
ZMC-A HMUH CHHUAHTE - 64
Bawngkawn South - 2: Mipa kum 3 leh hmeichhia kum 24, nufa; positive contact, symptom nei ve ve.
Bethlehem Veng - 1: Mipa kum 39, positive contact, symptom nei lo.
Bethlehem Vengthlang - 9: Mipa 5 (kum 6-76) leh hmeichhia 4 (kum 19-74); positive contact, symptom nei lo; an zinga 5 chhungkaw khata mi.
Chanmari - 14: Mipa kum 8 (kum 2-73 inkar) leh hmeichhia 6 (kum 3-60 inkar); positive contact, symptom nei lo vek.
Chhinga Veng - 1: Mipa kum 36, UP aṭanga haw, symptom nei lo.
Dawrpui - 1: Hmeichhia kum 3, positive contact, symptom nei lo.
Durtlang Leitan - 2: Mipa kum 60 & hmeichhia kum 52, nupa; Hyderabad aṭanga haw, symptom nei lo.
Durtlang North - 2: Mipa kum 22 & hmeichhia kum 37; mipa Guwahati aṭanga haw, hmeichhia positive contact, symptom nei lo ve ve.
Falkland Veng - 1: Hmeichhia kum 28, positive contact, symptom nei lo.
Kanan Veng - 1: Mipa kum 75, symptom nei lo.
Khatla - 1: Hmeichhia kum 25, Allahabad aṭanga haw, symptom nei.
Mission Veng - 2: Hmeichhia kum 19 & 22 unau, positive contact, symptom nei lo.
Ramthar Veng - 2: Hmeichhia kum 35 & 62, positive contact, symptom nei lo.
Republic Veng - 1: Hmeichhia kum 31, Varanasi aṭanga haw, symptom nei lo.
Tuikhuahtlang - 1: Hmeichhia kum 75, positive contact, symptom nei lo.
Tuikual North - 2: Hmeichhia kum 28 & 36; positive contact, symptom nei lo.
Ṭhuampui - 1: India sipai hnam dang mipa kum 25, Delhi aṭanga rawn lut, 458 Field Hospital-a awm, symptom nei lo.
Upper Republic - 1: Mipa kum 46, Nepal aṭanga lut, symptom nei lo.
Zemabawk - 1: Hmeichhia kum 21, positive contact, symptom nei lo.
Zemabawk North - 1: Mipa kum 22, Bihar aṭanga haw, symptom nei lo.
Zokhawsang - 16: Assam Rifles mipa kum 27-57 inkar; state pawn aṭanga lut, symptom nei lo vek.
Lengpui - 1: Hmeichhia kum 47, positive contact, symptom nei lo.

RAT HMANGA HMUH CHHUAHTE - 164
Lengpui Airport-a hmuh - 5
Electric Veng, Aizawl - 1: Mipa kum 21, Delhi aṭanga haw, symptom nei lo.
Tlangnuam - 1: Mipa kum 26, Delhi aṭanga haw, symptom nei lo.
Luangmual - 1: Hmeichhia kum 29, Bangalore aṭanga haw, symptom nei lo.
Tuikhuahtlang - 1: Mipa kum 52, UP aṭanga haw, symptom nei lo.
Kolkata - 1: Mipa kum 49, Kolkata aṭanga rawn lut, symptom nei lo.

Aizawl district-a hmuhte - 42
Aizawl Venglai - 2: Hmeichhia kum 25 & 45; tualchhunga kái, symptom nei 1.
Bawngkawn South - 1: Hmeichhe kum 7, kaina hriat loh, symptom nei lo.
Chaltlang Lily Veng - 2: Mipa kum 6 & hmeichhia kum 42, nufa; positive contact, symptom nei lo.
Chanmari - 4: Mipa kum 55 leh hmeichhia kum 24, 38 & 53; kaina hriat loh, symptom nei.
College Veng - 1: Hmeichhia kum 30, kaina hriat loh, symptom nei.
Dawrpui - 1: Hmeichhia kum 72, a pasal aṭanga kai, symptom nei.
Electric Veng - 1: Mipa kum 27, kaina hriat loh, symptom nei.
Falkland Veng - 2: Mipa kum 14 & hmeichhia kum 38; mipa positive contact, symptom nei lo; hmeichhia kaina hriat loh, symptom nei.
Hunthar Veng - 1: Hmeichhia kum 45, kaina hriat loh, symptom nei.
Kanan Veng - 1: Mipa kum 24, kaina hriat loh, symptom nei.
Khatla - 2: Hmeichhia kum 21 & 52; symptom neih vanga sample endik, kaina hriat loh.
Nursery Veng - 2: Mipa kum 8 leh hmeichhia kum 24; kaina hriat 1, hriat loh 1; symptom nei 1.
Ramhlun North - 2: Mipa kum 2 & hmeichhia kum 12, positive contact, symptom nei ve ve.
Ramthar Veng - 1: Hmeichhia kum 33, kaina hriat loh, symptom nei.
Tanhril - 1: Hmeichhia kum 60, kaina hriat loh, symptom nei.
Tuikual South - 7: Mipa kum 3, 12, 32 & 39 leh hmeichhia kum 10, 15 & 33; mipa kum 39 tih loh positive contact vek, symptom nei 6.
Vaivakawn - 1: Mipa kum 30, kaina hriat loh, symptom nei lo.
Zemabawk - 1: Mipa kum 28, kaina hriat loh, symptom nei.
Sihphir Venghlun - 5: Mipa kum 4, 8 & 25 leh hmeichhia thla 7 & kum 14; kaina hriat loh, symptom nei vek.
Chamring - 1: Mipa kum 49, kaina hriat loh, symptom nei.
Darlawng - 1: Mipa kum 21, Shivalaya Constructions camp, Darlawnga awm, kaina hriat loh, symptom nei.
Lengpui - 2: Mipa kum 11 leh hmeichhe kum 5; positive contact, symptom nei.

Kolasib district-a hmuh - 6
Bawngkawn - 1: Mipa kum 31, Andaman aṭanga haw, Vairengte screening-a hmuh, symptom nei lo.
Selesih - 1: Hmeichhia kum 19, Shillong aṭanga haw, Vairengte screening-a hmuh, symptom nei lo.
Bualpui - 2: Hmeichhia kum 23 & 44, symptom nei lo ve ve, positive contact 1 leh kaina hriat loh 1.
Kawnpui - 2: Mipa kum 31 & 41, kaina hriat loh, symptom nei ve ve.

Lawngtlai district - 2
Borkolok - 2: Mipa thla khat & kum 3, positive contact, symptom nei ve ve.

Saitual district - 1
Champhai - 1: Mipa kum 40, Manipur aṭanga haw, Tuivai screening-a hmuh, symptom nei lo.

West Bengal inthlana duty - 108
PTS, Thenzawl - 64: Mipa kum 25-59 inkar, symptom nei 52, nei lo 12.
2nd Bn IR, Khawzawl - 5: Mipa kum 38-58 inkar, symptom nei lo vek.
4th Bn IR, Rengdil - 39: Mipa kum 23-63 inkar, symptom nei 5, nei lo 34.