Tuirivângah mi 2 tla hlum

Phulpui ram chhunga Tuirivâng luia Rangtla lí-ah nimin tlai dar 3:30 vel khan mi pahnih an tla hlum a, tlai dar 5:30 velah an ruang lak chhuah a ni.

Phulpui aṭanga thu dawn danin, Tuirivangah hian Zoram Medical College-a zirlai ṭhenkhat an kal a, an zinga pakhat chu Rangtla lí-ah a tla a, a ṭhianpain chhan a tumna lamah an pahnihin an tla hlum ta a ni. Mitthite hi Jeremia PC Lalremliana (21), Dinthar, Aizawl leh C Lalbiaknunga (21) s/o C Laldawngliana, Champhai Vengthlangte an nia hriat a ni.