Covid kaihhnawihah lirthei thawh

Lalthianghlimi, Kolasib Venglai chuan Covid-19 léng vanga home isolation-a awm mekte leh contact tracing thila swab sample endik ngai leh damdawi-in pan ngai, a mamawh apiangte tan a motor, EECO van (ambulance) a hmantir dawn.

Kolasib DC Dr H Lalthlangliana tarlan danin, Lalthianghlimi'n motor a thawhah hian petrol man leh siam ngai awmte chu Lalthiang­hlimi'n a tum vek dawn avangin motor chu man chawia hman tur a ni dawn a, hman man chu sorkar rate - km. khatah Rs. 40 aia tláwmin, km. khatah Rs. 30 a ni ang.

Motor hman man chu a hmangtute'n an pek a ngai a, pawisaa harsatna nei chuan motor neitu, Lalthianghlimi phone no. 8974120793 leh a khalhtu phone no. 7630090055-ahte sawi tur a ni.

Hei hian inkaihhruaina zâwm chunga mahni motor-a inphur/ kal turte a dâl lo.