Himna tur hriattirna tichhuak

Aizawl district bawrhsap Dr Lalhriatzuali Ralte chuan kângmei chhuak thei laka him nan hriattirna a tichhuak a; dan zâwm loa kângmei tichhuak chu hrem theih a nih thu a tarlang.

Dr Lalhriatzuali Ralte chuan, tun hnaia Mizoram hmun hrang hrang leh Aizawl district-a kângmei chhuakin ramngaw, thing leh mau, thlai leh nungchate tan chhiatna nasa tak a thlen thu a tarlang a, "Kângmei avang hian kan in leh lo, kan nunna hlu tak pawhin a tuarin kan chân fo a ni. Kângmei chhuak thei lakah mipui kan fimkhur a ngai hle a, ram leh in tihkan a thlen tawh lohna turin mi tin fimkhur taka in leh ram lama che turin kan inngen a ni," a ti.

The Mizoram (Preven­tion and Control of Fire in the Village Ram) Rules, 2001-in a sawi angin ramhnuaia mei chhèm timit loa kalsan loh tur a nih thu DC chuan a tarlang.