Chanmari-Chanmari West péng kawngpui zauh dawn

Vawiin aṭangin PWD-in Chanmari junction (Chanmari West péng) zauh hna an thawk dawn a, hei vang hian lirthei tlan dan tur tihdanglam a ni.

Traffic SP Rodingliana Chawngthu tarlan danin, Zarkawt aṭanga hmàr lam pana tlânte chu Hrangbana College kawt aṭangin Chanmari kâwn lamah tlang tur a ni a, Vaivakawn leh Edenthar Veng aṭanga Chanmari pan turte chu Chanmari West kâwipui thleng chauh an tlan thei ang a, Chanmari-ah tlang theih a ni dawn lo. Kawng siam chhungin Hrangbana College leh Chanmari BOC inkarah lirthei dah phal a ni lo. Ruahmanna siam thar hian hna thawh zawh hma zawng a huam ang.