Khauh zawka test kalpui turin ngen

Serlui Youth Block Congress Committee chuan nimin khan Kolasib DC hnenah, Vairengte screening point-a swab sample endik ṭhin chu khauh lehzuala kalpui tura ngenna an thehlut.

Serlui Youth Block Congress Committee secretary H Lalhmingsanga hminga lehkha an thehluhah chuan, Health Minister-in April 16, 2021-a Vairengte a tlawh ṭuma a sawi, Vairengte screening point paltlanga Mizorama lut tur reng reng chu RAT hmangin swab sample endik vek tur a ni tih chu tun thlengin a taka tihhlawhtlin a la ni lo tih a tarlang.