Power & Electricity department Corporation-a leh PC-in an duh

Peoples Conference party chuan thuchhuah siamin, kawlphetha chungchangah Mizoram sorkarin ko a thlâk a ngaia an hriat thu an tarlang a, "Awmze nei zawka kan inrêlbàwl theih nan Power & Electricity department hi corporation-a leh kan duh a, Mizoram sorkarin theihtawp chhuahin hma la se kan duh," an ti.

PC party chuan, Mizorama sorkarna siam tawhte'n kawlphetha siam chhuahna atana hma an laknaah, a hlawhtlinna aia sum siam thupuiah an neih ṭhin avangin kawlphetha siam chhuah a la tlem hle tih an sawi a, "Keini aia hma la hnuhnung zawk state-te'n an hralh chhuah tawh laiin, kan khamkhawp kan la siam chhuak thei lo a ni," an ti a; Mizoram sorkarin ngaihtuahna tak tak a sèn a, awmze neia hma a lak thuai a ngaih thu an tarlang.