Covid-19 do nan AMC-in sum thawh

Aizawl Municipal Corporation (AMC) councillor-te leh thawktute chuan Covid-19 dona atan nimin khan Chief Minister‘s Relief Fund-ah Rs. 3,01,920 an thawh.

AMC councillor 19-te chuan Covid-19 dona atan an thla khat hlawh zatve thawh an remti a, chu chu Rs. 95,000 a ni. AMC officer leh thawktute pawhin an ni khat hlawh Rs. 2,06,920 an thawh bawk. Pawisate hi nimin khan AMC councillor-te aiawhin executive councillor Lalringliana‘n hlânin, officers & staff welfare aiawhin HT Lalropuia‘n a hlân a ni.

AMC hotute chuan, Covid-19 donaa frontline worker zawng zawng inpekna te, sorkarin mipui tana tha a thawh nazatsia hriatpuina leh a ṭul apianga hman turin heng an sum thawh khawm hi hlân an nih thu an sawi.