Covid-19 vangin Mizo thi

Calcutta Mizo Welfare Association (CMWA) treasurer ni lai Lalsang­lura (43) h/o Linda Zopuii, Kolkata chu April 28, Nilaini zan dar 10:30 khan Command Hospital, Alipore, Kolkata-ah Covid-19 avangin a thi.

CMWA hruaitute hnen aṭanga thu dawn danin, Lalsanglura hi Salt Lake-a Mizote pan ṭhin Khualbûk neitu a ni a, khawsik a neih avangin Charnock Hospital-a enkawl a nih hnuah, April 24, 2021 khan Covid-19 positive a ni tih hriat a ni. April 27 zana sipai damdawi-in Command Hospital-a sawn a nih hnuah Nilaini zan khan a thi a ni.

Lalsanglura hian a nupui leh fapa pakhat a kalsan a, a ruang chu phûm theih a nih loh avangin nizan khan hâl a ni.