Khawzawl dist.-ah vawk 18 thi tawh

April thla chhungin Khawzawl district-ah chhan hriat lohin vawk 18 a thi tawh a; endik tawh chinah African Swine Fever (ASF) vânga thi a ni lo.

Khawzawl aṭanga thu dawn danin, Khawzawl district-a tun hnaia vawk thite chu Antigen test kit hmangin enfiah a ni a, a negative vek. Fimkhur thilah sample-te chu Guwahati-a endik turin thawn a ni a, result hriat a la ni lo.

Khawzawla Veterinary officer Dr Phillips Lawmsangzuala sawi danin, Khawzawl district-ah hian chhan hriat loha vawk thi hmasa ber chu April 14, 2021-ah a thi a, thi hnuhnung ber chu nimin zing khan a thi a ni.

Khawzawlah vawk 13 a thi tawh a, Chawngtlai, Riangtlei, Dulte, Lungtan leh Neihdawn khuaah pakhat ṭheuh a thi tawh. Vawk thite chu AH&Vety department kaihhruaiin fimkhur taka sâwngbâwl a ni a, chinai nên phûm zel a ni.

March 2021-a chhinchhiah dan chuan, Khawzawl district-ah hian vawk 5,069 a awm a, Khawzawl khawpui chhung bikah vawk 1,123 a awm.