Dan zâwm famkim loh vangin Kolasib-ah Covid-19 vei hrem

Kolasib DC office-a thawk mi pakhat, Covid-19 positive chu home isolation dan a zawm fam kim loh avangin hrem a ni a; amah tlawhtu mi pasarih pawh dan an bawhchhiat avang in hrem an ni.

Kolasib district-ah hian state páwn aṭanga lutte chu task force leh zonal magistrate-te'n an dinhmun uluk taka an ena an thurawn (recommend) angin magistrate-te'n phalna an pekte chauh home isolation/quarantine phal sak an ni. VTF-te thuin emaw, mahni thuin emaw home quarantine-a indah phal a ni lo. Magistrate phal-naah hian dan an zawm tur chipchiar taka ziah lan a ni a, chutiang zâwm lote chu hrem theih an ni.

Kolasib DC Dr H Lalthlangliana chuan, DC pisaa thawk dan zâwm lo an awm thu nimin khan thuthar thehdarhtute a hrilh a, "Mipui zirtirtu tur ber mi pakhat positive hmuh chhuah tâkin dan zâwm loa permission pawh awm loa ina a awm leh, dan zawm tur dang a zâwm lo hi thil serious tak a ni," a ti a; DC offi ce aiawhin ngaihdam a dil a ni.

Kolasib DC office-a thawkte chu mi dang ang thoin dan hnuaia awm vek an nih thu sawiin Dr H Lalthlangliana chuan, "Dan zâwm lote chunga hremna pek hi tih ngei tur niin ka hria. Dan zâwm loa home quarantine lai tlawha ei tur petute pawh hrem an ni. Dan bawhchhiate chu dim an ni dawn lo," a ti.