Lunglei HPC-in arte 3,420 an sem

Lunglei High Powered Committee (HPC) vice chairman Lawmawma Tochhawng, MLA chuan nimin khan HPC pisa kawtah HPC scheme hnuaia Poultry Farming for Eggs 2020-21 phase-II hmangin artê 3,420 a sem.

Lawmawma Tochhawng chuan, arte dawngtute chu taima taka thawk tura chahin, "HPC aṭanga artê in dawn hi sorkar chuan uluk taka enkawl puitling a, artui tam tak tui thei tura enkawl tur leh rah duhawm tak nei ṭheuh turin a duh a, a enkawl dan leh damdawi pek dan turah Vety department mithiamte zirtirna zâwm ang che u," a ti.

Poultry Farming for Eggs 2020-21 phase-II hnuaiah hian Lunglei North leh Lunglei South biala chhungkua 30 ve ve hnenah arte 3,420 sem a ni a; mi pakhat hnenah Rs. 55,000 hû arte, damdawi, signboard, ar chaw leina leh ar-in sakna pek a ni. Phase-I hnuaiah Lunglei East biala chhungkua 39 leh Lunglei West biala chhungkua 25 hnenah arte 2,880 sem a ni tawh bawk.