Bairabi screening point tlawh

Minister of state K Lalrinliana chuan nimin khan a bial chhung, Bairabi- a Covid- 19 screening point a tlawh a, Pangbalkawn, Meidum leh Bairabi village task force (VTF)-te a kâwm nghal.

K Lalrinliana chuan Bairabi VTF hruaitute a kawmnaah, "Hripui léng donaah Bairabi screening point hi ram páwn aṭanga lo lutte endikna hmun pawimawh tak a nih avangin sorkarin a ngai pawimawh hle a ni," a ti a; MLA fund aṭangin screening point-a

Covid- 19 vei hmuh chhuahte Covid care centre-a phurhna tur ambulance a ruahmansak thu a sawi. Minister hian ramria duty Bairabi North leh Bairabi South VTF-te hnenah Rs. 10,000 ve ve a pe a, Bairabi screening point-a hman tur air cooler a pek tur thu a sawi bawk.