DELHI-AH COVID-19 VEI MIZO THI

Zanin (May 1) dar 8:10 khan Eaward (Vanlaldika) (kum 28) s/o H. Thaliankapa, Champhai Vengthlang (Rahsi Veng) chu Tarak Hospital, Dwarka, Delhi-ah Covid-19 avangin a thi.

Mizo Welfare Association, Delhi hruaitute hnen atanga thu dawn danin, Vanlaldika hi Mahindra Park, Janakpuri Uttamnagar, New Delhi-a cheng a ni a, April thla tir lamah Covid positive a ni tih hmuh chhuah a ni. A ruang hi a chhungte'n Mizorama lak theih an duh a, Mizo Welfare hruaitute'n an buaipui mek a, Mizorama lak theih a nih dawn leh dawn loh hriat a la ni lo.