Delhi-ah Covid vei Mizo thi

Eaward (Vanlaldika) (28) s/o H Thaliankapa, Champhai Vengthlang (Rahsi Veng) chu May 1, Inrinni zan dar 8:10 khan Tarak Hospital, Delhi-ah Covid-19 avangin a thi.

Mizo Welfare Asso­ciation, Delhi hruaitute hnen aṭanga thu dawn danin, Eaward Vanlaldika hi Mahindra Park, Janakpuri Uttamnagar, New Delhi-a cheng a ni a, Covid-19 a vei tih April thla tìr lamah hmuh chhuah a ni. A ruang hi a chhungte'n Mizorama lak theih an duh a, Mizo Welfare hruaitute'n an buaipui mek a, Mizorama lâk theih a nih dawn leh dawn loh vawiinah hriat theih beisei a ni.