Hri leng do nan Synod-in cheng nuai 10 an thawh
Mizoram Presbyterian Kohhran chuan April 30, 2021 khan Covid-19 hri léng donaa a ṭul apianga hman atan Chief Minister's Relief Fund-ah Rs. 10,00,000 an pe a; Synod aiawhin moderator Rev. Dr C Lalhlira'n secretary to CM JC Ramthanga hnenah a hlân.
Mizoram Synod hruaitute chuan, nikum lamah theihtawp chhuaha mipuiin dan zâwma an fimkhur avangin state dang khaikhinin Mizoram dinhmun a ṭhat phah nia a lan thu an sawi a, "Kumina hri léng thawh hnihnaah pawh mi tu pawhin kan theih chin china kan fimkhur tlân vek chuan nasa takin awmzia a neih leh ngei kan ring," an ti a; sorkarin theihtawp a chhuahnaah lawmthu an sawi a ni.