Ram kâng vên kawnga hlawhchhamah Congress pary-in MNF sorkar an puh

Mizoram Pradesh Congress Committee (MPCC) chuan, ram kâng ven kawngah MNF kaihhruai sorkar chu hlawhchhamah an puh.

Inrinnia MPCC thuchhuah chuan, tun hnaia Mizorama kângmei chhuakte chu pawi an tih thu leh a tuartute an tawrhpui thu tarlangin, "Heng kângmei rapthlak tak tak chhuakte hi MNF sorkarin fire prevention lama a hlawhchhamzia lannaah pawm se kan duh hle," an ti.

MPCC chuan, sorkar hmasa lamah chuan fire prevention lamah sorkarin nasa takin hma a la ṭhin a, kângmei vênnaa ti ṭha district leh khawtlang chawimawinate siam a ni ṭhin tih an sawi a; chutiang chu tun hnaiah chuan a awm ta lo niin an tarlang.

Congress party chuan, leilung chhiatna thleng chu politics-a inbeihna chia an ngaih loh thu an sawi rualin, "Tun ṭuma kângmei chhuak hi chu Mizoram hmun hrang hranga a rual a thlen danah sorkarin kângmei vên kawnga hmalakna a neih mumal loh lutuk vanga thlengah kan ngai. Forest minister TJ Lalnuntluanga pawh hian a mualphonaah pawm ngam se kan duh," an ti.