MNF party vice president Vanlalzawma'n bânna a thehlut

Serchhip bial MLA by-election neih zawh takah a tlin zawh loh avangin Vanlalzawma chuan nimin khan MNF vice president a nihna aṭanga bànna MNF president Zoramthanga hnenah a thehlut.

Vanglaini palai zawhna chhangin Vanlalzawma chuan, MNF vice president niin, an hotute leh party-in by-election-ah an dintir tih a sawi a, "Ka tlin ngei pawh min beisei laiin ka tling zo ta lo a. Chuvangin, kei chuan ka mawhphurhna hlen zo loah ka inngai a, vice president ni zui zel tlakah ka inngai lo a ni," a ti.

Vanlalzawma chuan, MNF chhuahsan a tum lo tih sawiin, "Vice president ka nihna aṭanga bànna chauh ka thehlut," a ti a, MNF-ah rinawm taka awm zui zel a tum thu a sawi.