DC-te'n curfew an puang

Covid-19 léng vanga Mizorama inkhàrkhip (lockdown) puan a nih hnuah, district hrang hrang DC-te chuan an huam chhunga hman turin zan dar 7 aṭanga zing dar 4 inkara páwn chhuah khapna thupek (curfew) an puang. Thupek zâwm lote chu IPC Section 188 hmanga hrem theih a ni.

Zan lama curfew-in a huam lohte chuan an mahni finfiahna tur identity card emaw, duty detailment order emaw an ken ngei a ngai a ni.

CURFEW-IN A HUAM LOHTE
Aizawl District:
1. Task force member, an duty-na avanga chhuah ngai
2. Sipai, BSF, CRPF, Assam Rifles, BRTF leh GREF worker duty
3. Magistrate, police leh home guard duty
4. Damdawi-ina thawkte
5. Chanchinbumi leh electronic media-a thawkte
6. Covid-19 kaihhnawiha Health department-a thawkte
7. Fire & Emergency Services duty
8. Power & Electricity department hnuaia night & emergency duty
9. Prison duty
10. Excise & Narcotics enforcement duty
11. Medical emergency leh dam lohna thil leh chhiat tawh thila veng danga kal ngai, an awmna veng task force lehkha keng
12. Private security service duty
13. Essential commodity phur leh Home department aṭanga phalna nei
14. Disaster Management buaipuitu official
15. PHE department-a emergency & night duty
16. IPR department official duty
17. Kohhran hruaitu, kohhran serh leh sâng pawimawha chhuak
18. AH&Vety department-a vawk hri léng (ASF) buaipuitute
19. District magistrate leh sub-divisional magistrate-in phalna an pekte
Champhai District:
1. Dan leh thupek kengkawhtute
2. Covid-19 chungchanga duty
3. Medical emergency duty
4. DC-in phalna a pekte bakah phai aṭanga bungraw phur un-load
5. Chhiat tawh thil leh medical emergency-a VTF-te'n phalna an pek
Khawzawl District:
1. Magistrate leh police duty
2. Covid-19 kaihhnawiha duty
3. Medical emergency duty
4. Media/chanchinbumi
5. Phai aṭanga bungraw phur motor in un-load
6. Essential services duty
7. District magistrate leh sub-divisional nagistrate-in phalna a pekte