Tlawng luia sangha mantute man
Maubawk Branch YMA chuan May 3, Thawhṭanni zan khan an thu dawn bawhzuiin Tlawng lui an humhalh lai an enfiah a, Reiek kài chhak lawka gelatin leh lènkhang hmanga sangha mantute mi paruk an man.
Maubawk YMA-in sangha mantu an mante chu - Mission Vengthlang mi pali Lalduhsanga (46), Vanlalruata (45), Lalchangliana (55) leh MS Dawngliana (30) te, Bungkawn mi pahnih Hmangaihzuala (31) leh Raju (32) te an ni a; sangha an manna hmanrua gelatin tlawn 22, a fuse, lènkhang leh sangha an man sa kg. 30 an man tel bawk.
Maubawk Branch YMA chuan, Tlawng lui Reiek kài leh a chhehvel chu hun rei tak an humhalh tawh a ni tih sawiin, an humhalh chin huam chhung luia nungchate khawih lo tur leh man lo turin luia kalte an ngen tih an tarlang.