MLA atana Lalduhoma lâk luh hun sawn

Serchhip bial MLA by-election neih zawh tâka thlan tlin ZPM candidate Lalduhoma chu vawiin hian Member of Legislative Assembly (MLA) atana lak luh tum ni mah se, inkhuahkhirhna khauh zawk siam a nih avangin sawn a ni.

Vanglaini palai zawh­na chhangin Assembly speaker Lalrinliana Sailo chuan, vawiin chawhma dar 11-a MLA atana Lal­duhoma la lut turin rua­hmanna an siam vek tawh thu a sawi a, "Amah nen pawh kan inbe vek tawh. Mahse, nizan (Thawhṭanni zan)-ah inkhuahkhirhna khauh zawk siam a nih leh tâk si avangin kan ṭhulh rih. Hetiang a nih laia pun khawmna lam thil lo buatsaih chu tih chi-ah kan ngai lo," a ti a; remchang hmasa berah lak luh inkhawm buatsaih a nih tur thu a sawi.