Police mi 33-in hripui an vei belh

West Bengal Assembly inthlana duty-a kal, an haw hlima Rapid Antigen Test (RAT) hmanga swab sample endik an nih ṭuma Covid-19 negative, a hnua inrinhlelhna nei site chu nimin khan RAT hmanga endik leh a ni a, hripui vei mi 33 hmuh chhuah a ni.

West Bengal-a Mizoram police duty zinga mi 263 chuan April 27, 2021 khan Thenzawl an thleng a, RAT hmanga endiknaah mi 64 chu Covid-19 vei an ni tih hmuh chhuah a ni.

Mi 64-te chu Serchhipah enkawl an ni a, a bak zawng chu Thenzawl PTS-ah dah khawm an ni.