Bial chhungah ṭanpuina pe

AMC Ward-XVIII councillor Malsawmzuala Ralte chuan nimin khan a bial chhunga local task force hrang hrangte tlawhin, Covid-19 donaa hmalakho zel dan tur a sawipui a; kut silfaina (hand sanitiser), hmunhma phuh faina (disinfectant) leh tui thianghlim in turte a pe.

Malsawmzuala Ralte chuan, LTF-te chu a theihna apianga thawhpuiah sáwmin, mipui khuahkhirh kawnga ṭan la thar zual turin a chah a; Ward-XVIII huam chhunga local council pariat zingah Model Veng chu hripui vei awm lohna véng a ni a, an filhlim tluan theih nan ṭang zel turin a ngen a ni.