Vaccine petuin Covid-19 a vei

Nimin khan Mizoram hmun hrang hrangah nu nau pâi leh nausen kum khat leh a chanve hnuai lamte hnenah hri danna (vaccine) pek a ni a; Hunthar Veng, Aizawla vaccine petu nurse pakhat chu vaccine a pek zawhah Covid-19 vei a nih tih hmuh chhuah a ni.

Hunthar Veng Local Task Force hruaitute hnen aṭanga Vanglaini thu dawn danin, vaccine petu, a hnua Covid-19 vei a nih tih hmuh chhuak tâk chuan mi 50 vel a chiu a ni. Vaccine a pek zawha a haw chu a hrawk a thîp avangin a inringhlel a, RAT hmangin a swab sample endiktirin, hripui a vei tih hmuh chhuah a ni.

Vaccine petu hian mi a chiu laiin mask leh surgical glove a vuah a, hand sani­tiser a hmang deuh reng bawk. Fimkhur thilah Hunthar Veng LTF chuan Covid-19 vei tih finfiah tâkin a chiu zawng zawngte chu dan angin inkhung turin an ti a, sample endik hun a thlenah endik an ni dawn tih an sawi.