COVID-19: Mizoram dinhmun : Hripui vei hmuh tam ber ní

May 4, Thawhlehni khan Mizoramah Covid-19 vei mi 238 hmuh chhuah a ni a, ni khata hmuh chhuah tam ber ní a ni. Nimin khan hripui laka fihlîm tawh mi 11 chhuahtir an ni thung.

Covid-19 vei hmuh thar mi 238-te chu mipa 145 leh hmeichhia 93 niin, Aizawla veng 27 leh khaw dang 24-a mite an ni a; ZMC laboratory-a hmuh chhuah mi 58, TrueNAT-PCR hmanga hmuh mi 34 leh RAT hmanga hmuh chhuah mi 146 an ni.

ZMC-a hmuh chhuah mi 58 zingah symptom nei mi pahnih chiah an awm a, TrueNAT-PCR-a hmuh mi 34-te chu tun hnaia state páwn aṭang lut leh symptom nei lo vek an ni.

Mizoramah Covid-19 vei mi 6,794 hmuh chhuah a ni tawh a, mipa 4,590 leh hmeichhia 2,204 an ni. Nimin tlai dar 5 thleng khan mi 5,243 (77.17%) chhuahtir an ni tawh a, mi 17 (0.25%) thi tawhin, enkawl mek mi 1,534 (22.58%) an awm.

May 4, Thawhlehnia Mizorama swab sample endik dan chu - ZMC laboratory-ah 1,342, TrueNAT-PCR hmangin district pariatah 152 leh RAT hmangin district 11-ah 1,724 a ni a; sample endik zawng zawng chu 3,218 (mipa 1,858 leh hmeichhia 1,360) niin, chu'ng aṭanga hripui vei hmuh 238 chu 7.40% a tling.

Thawhlehnia Covid-19 vei hmuh chhuah mi 238 zinga mi 146 chu Mizorama kái chhâwng nia hriat an ni a, mi 92 chu tun hnaia Mizorama lutte an ni. Tualchhunga kái zingah hri kàina hriat loh mi 50 an awm a; Covid-19 natna (symptom) lang chhuak mi 106 an awm bawk.

Mizoramah hripui vei enkawl mek tam lamah record thar a awm zel a, nimin pawh kha enkawl mek tam lai ber ni lehin, mi 1,545 an awm. Aizawl district-ah ringawt pawh mi 1,118 an awm a ni. Nimin khan hripui laka fihlim tawh mi 11 chhuahtir an ni a; SRH-ZMC leh Hnahthial CCC aṭangin mi pahnih ve ve, Seṭhawn CCC aṭangin mi pathum, Chawlhhmuna JCTC CCC, Lunglei Pukpui SIRD CCC, Chawngte CCC leh home isolation aṭangin mi pakhat ṭheuh an chhuak. Thawhlehni khan chhun lama mi 40 chhuahtirte bakah, zanah mi 64 chhuahtir leh an ni.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a, chumi hnua hmuh chhuah leh hmasak ber chu June 1, 2020-ah niin, ZMC laboratory-ah hmuh chhuah a ni. ZMC-ah positive 3,271 hmuh chhuah a ni tawh a, TrueNAT-PCR hmangin 781 leh RAT hmangin 2,741 hmuh chhuah a ni tawh.

May 4, 2021 thlengin Mizoramah swab sample 3,16,793 endik a ni tawh a, chu'ng aṭanga Covid-19 positive hmuh tawh zat 6,794 chu 2.09% a ni. Hripui vei hmuh tawh zinga mi 3,576 chu Mizoram chhunga kái chhâwng an ni a, mi 3,218 chu Mizoram páwn aṭanga an rawn luh hnua hmuh chhuah an ni thung.

COVID-19 VEI HMUH THARTE
Khua/Veng A zat
Aizawl dist-a hmuhte
Aizawl Venglai 1
Armed Veng 9
Armed Veng South 10
Bawngkawn 4
Bethlehem Veng 11
Bethlehem Vengthlang 16
Bungkawn Vengthar 2
Chaltlang 2
Chanmari West 1
Chhinga Veng 15
CJ Veng, Tuivamit 6
College Veng 1
Durtlang North 5
Edenthar Veng 3
Electric Veng 6
Govt. Complex 1
Hunthar Veng 1
ITI Veng 1
Kanan Veng 10
Kulikawn 2
Maubawk 1
Mission Veng 1
Ramhlun South 2
Tanhril 1
Tuikual North 5
Tuivamit 4
Ṭhuampui 1
Zarkawt 4
Assam Rifles 2
Nausèl 1
Lungdai 1
Sateek 1
Sialsuk 1
Champhai 2
Lunglei 3
Serchhip 1
BSF, Dawngzawl 1
Hnahthial 2
Nghalchawm 3
Rotlang East 1
South Vanlaiphai 1

Lunglei dist-a hmuhte
Lunglei Bazar Veng 2
Lunglei Chanmari 1
Lunglei Luangmual 1

Kolasib district
Bilkhawthlir 1
Kolasib Ṭumpui 2
Kolasib Hmarveng 1
Rengtekawn 4
Kawnpui 1
Ngaizawl 1
Tuivamit 2

Serchhip district
PTS, Thenzawl 33
Chhingchhip Venghlun 1
Serchhip Dinthar 1
Kram Infracon, Chhingchhip
7

Lawngtlai district
Bungtlang South 2
Kamalanagar-III 2
Saizawh East 3

Mamit dist-a hmuhte
4th IR, Rengdil 27

Saitual dist-a hmuhte
North Lungpher 2
Phullen 2