Mi 88,856-in Rs. 1,77,90,800 chawi

Mizoram sorkarin Covid-19 chungchanga dan a siam, The Mizoram (Containment & Prevention of Spread of COVID-19) Act, 2020 chu kum khat hman a ni ta a, kum khat chhungin dan bawhchhia mi 88,856 man tawh niin, chu'ng mite pawisa chawi tlingkhawm chu Rs. 1,77,90,800 a ni.

The Mizoram (Containment & Prevention of Spread of COVID-19) Ordinance/Act, 2020 hi May 4, 2020-ah hman ṭan a ni. A tirah chuan Legislative Assembly pawmpui a nih loh avangin ordinance-in hman ṭan a ni a, a hnuah Assembly House-a pawm a nih hnuah dan puitling (act) a ni zui ta a ni.

May 4, 2020-a ordinance hman ṭan aṭanga kum khat a tlinna, May 4, 2021 thleng khan Police, flying squad leh task force hrang hrangte chuan Mizoram pumah The Mizoram (Containment & Prevention of Spread of COVID-19) Act, 2020 bawhchhia mi 88,856 an man a; chu'ng mite sum chawi chu a vaiin Rs. 1,77,90,800 a ni.