State danga kal phalna dil theih

Aizawl district bawrhsap Dr Lalhriatzuali Ralte chuan, lockdown inkaihhruaina thar ber zûlzuiin Aizawl district aṭanga district dang paltlanga state danga kal duh tan dilna thlen dan tur a ruahman.

Bawrhsap tarlan danin, lirtheia kal tur tan kalna tur hmun leh kal ni, kal turte hming, kal/zin chhante tarlangin, task force-te hriatpuina lehkha nen dilna ziah tur a ni a, dilna chu a thlalak emaw, soft copy emaw phone no. 8787451776-ah Whatsapp-in chhun dar 12 hmain thawn tur a ni.Lengpui Airport aṭanga kal turte tan dilna thehluh a ngai lo a, task force lehkha ken a ngai thung.