COVID-19: Mizoram dinhmun : Hripui vei 172 hmuh belh a ni

May 5, Nilaini khan Mizoramah Covid-19 vei mi 172 hmuh chhuah a ni a, May thla ni nga chhungin mi 833 hmuh chhuah a ni tawh. Nimin khan hripui laka fihlim tawh mi 46 chhuahtir an ni.

Covid-19 vei hmuh thar mi 172-te chu mipa 86 leh hmeichhia 84 an ni a; ZMC laboratory-a hmuh chhuah mi 71, TrueNAT-PCR hmanga hmuh pathum leh RAT hmanga hmuh mi 98 an ni.

Hnahthial district tih loh district dang zawngah hripui vei hmuh chhuah a ni a, district 10-a Aizawl khawpui chhung veng 23 leh khaw dang 18-a mite an ni. Positive hmuh chhuah tamna ber LC/VC chu Chanmari, Aizawl niin, mi 21 hmuh chhuah an ni a, Sihphir Venghlun leh Nghalchawm-ah14 ve ve hmuh chhuah a ni bawk.

Mizoramah Covid-19 vei mi 6,964 hmuh chhuah a ni tawh a, mipa 4,676 leh hmeichhia 2,288 an ni. Nimin tlai dar 5 thleng khan mi 5,351 (76.84%) chhuahtir an ni tawh a, mi 17 (0.24%) thi tawhin, enkawl mek mi 1,596 (22.92%) an awm.

May 5, Nilainia Mizorama swab sample endik dan chu - ZMC laboratory-ah 1,035, TrueNAT-PCR hmangin district pasarihah 110 leh RAT hmangin district 11-ah 2,060 a ni a; sample endik zawng zawng chu 3,205 (mipa 1,862 leh hmeichhia 1,343) niin, chu'ng aṭanga hripui vei hmuh 172 chu 5.40% a tling.

Nilainia Covid-19 vei hmuh chhuah mi 172 zinga mi 156 chu Mizorama kái chhâwng nia hriat an ni a, mi 16 chu tun hnaia state pawn aṭanga Mizorama lutte an ni. Tualchhunga kái zingah hri kàina hriat loh mi 44 an awm a; Covid-19 natna (symptom) lang chhuak mi 60 an awm bawk.

ZMC laboratory leh TrueNAT-PCR hmanga hripui vei hmuh chhuah leh Lengpui Airport-a hmuh chhuahte chu symptom nei lo vek an ni a; mi 172 zingah healthcare worker pali an tel a ni. Mizoramah hripui vei enkawl mek tam lamah record thar a awm zel a, nimin pawh kha enkawl mek tam lai ber ni lehin, mi 1,642 an awm a; Aizawl district-ah ringawt pawh mi 1,128 an awm.

Nimin khan hripui laka fihlim tawh mi 46 chhuahtir an ni a; SRH-ZMC, Sakawrdai CCC leh home isolation aṭangin mi pakhat ṭheuh, Durtlang BSUP CCC aṭangin mi 20, Chawlhhmun JCTC CCC aṭangin mi pali, Lawngtlai CCC aṭangin 14 leh mamit SIRD CCC aṭangin mi panga an chhuak.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a, chumi hnua hmuh chhuah leh hmasak ber chu June 1, 2020-ah niin, ZMC laboratory-ah hmuh chhuah a ni. ZMC-ah positive 3,340 hmuh chhuah a ni tawh a, TrueNAT-PCR hmangin 784 leh RAT hmangin 2,839 hmuh chhuah a ni tawh.

May 4, 2021 thlengin Mizoramah swab sample 3,20,041 endik a ni tawh a, chu'ng aṭanga Covid-19 positive hmuh tawh zat 6,964 chu 2.17% a ni. Hripui vei hmuh tawh zinga mi 3,730 chu Mizoram chhunga kái chhâwng an ni a, mi 3,234 chu Mizoram páwn aṭanga an rawn luh hnua hmuh chhuah an ni thung.

ZMC-A HMUH CHHUAH
Khua/Veng A zat
Bethlehem Veng 1
Bethlehem Vengthlang 4
Chanmari 14
Chanmari West 3
Chhinga Veng 2
Damveng 4
Dinthar 2
Edenthar Veng 1
Electric Veng 1
Ramhlun South 6
Republic Veng 1
Ṭhuampui 1
Sihphir Venghlun 14
Lengpui PHC 3
Nghalchawm 14

TRUENAT-PCR-A HMUH
Zawlpui 1
BSF, Serchhip 1
North Lungpher 1

RAT-A HMUH CHHUAH
Aizawl dist-a hmuh: 59
Armed Veng 2
Armed Veng South 5
Bethlehem Veng 1
Bethlehem Vengthlang 2
Chaltlang 1
Chanmari 7
Chanmari West 1
Chhinga Veng 9
College Veng 1
Edenthar Veng 2
Electric Veng 3
Laipuitlang 1
Ramhlun South 1
Ramthar Veng 1
Tuikual South 1
Tuivamit 3
Venghlui 1
Zotlang 1
Sairang 8

Airport-a hmuhte
Siaha 3
Ramhlun South 1
College Veng, Aizawl 1
Sakawrtuichhun 1
Keifang 1
Sesawng 1

Lunglei dist-a hmuh: 11
Bazar Veng 4
Serkawn 7

Siaha dist-a hmuh: 2
New Colony 1
College Vaih 1

Champhai dist-a hmuh
Zokhawthar 5

Kolasib dist-a hmuh: 2
Vairengte Kawngthar 1
Rengtekawn 1

Mamit dist-a hmuh
Pûkzíng 7

Serchhip dist-a hmuh: 4
Chhingchhip Venghlun 1
Kram Infracon 3

Lawngtlai dist-a hmuh
AOC Veng 2

Saitual dist-a hmuh
North Lungpher 5

Khawzawl dist-a hmuh
Khawzawl Vengthar 1