Lalduhoma la lut thuai turin phût

ZPM Ṭhalai chuan, Serchhip bial by-election-a thlan tlin Lalduhoma chu member of legislative assembly (MLA) atan la lut thuai turin speaker Lalrinliana Sailo an phût.

Nimina ZPM ṭhalaite thuchhuah chuan, November 27, 2020-a MLA aṭanga Lalduhoma bàn a nih hnuah April 17, 2021-ah Serchhip bial mipuiin hneh takin an thlang tling leh tih a tarlang a, "Pu Lalduhoma'n harsatna tam tak a paltlang hnuah MLA atana lak luh a nih hun tur tiam chin awm loa sawn hlat a ni hi hriatthiam har kan ti a, speaker Pu Lalrinliana hian Pu Lalduhoma MLA aṭanga bàn a nihna hi a kutah la ngamin, zaha la loin puitling taka amah ngeiin MLA atan la lut turin kan phût a ni," a ti.

ZPM Ṭhalai chuan, MLA atana Lal­duhoma la lut turin mi ṭhahnem tak kal a ngai lo a, sorkar office pawh an kal reng a, meeting pawh neih a ni reng tho tih sawiin, Lalduhoma chu chhuanlam siam kual loa la lut thuai turin Speaker an phût a ni.