Khawzawla TrueNAT khawl a chhia

Khawzawl Hospital-a swab sample endikna TrueNAT khawl chu a chhia a, sample endik theih a nih loh avangin Khawzawla swab sample endik ngai, nimina lakte chu ZMC leh Saitual Hospital-ah thawn a ni.

Khawzawl aṭanga thu dawn danin, tun hnaiah state dang inthlanpuia duty Mizoram police zingah 2nd IR battalion-a mi eng emaw zat an tel a; tunah hian police khung hran mek 84 an awm bakah, hripui vei tih hmuh chhuah tawh police panga an awm. Nimin khan mi eng emaw zatte swab sample lak a ni a, IR police mi 89-te sample chu ZMC-ah thawn niin, mi dang pahnihte sample chu Saitual Hospital-ah thawn a ni.