COVID-19: Mizoram dinhmun : Hripui vei 184 hmuh belh a ni

May 6, Ningani khan Mizoramah Covid-19 vei mi 184 hmuh chhuah a ni a, May thlaa ni ruk chhungin mi 1,017 hmuh chhuah a ni tawh. Nimin khan hripui laka fihlim tawh mi 108 chhuahtir an ni. Covid-19 positive nimin zinga thi Lalmuanpuii, Ramhlun Venglai chu Covid-19 vei thi-ah sorkarin a chhiar lo.

Covid-19 vei hmuh tharte chu mipa 97 leh hmeichhia 87 an ni a; ZMC laboratory-a hmuh chhuah mi 78, TrueNAT-PCR hmanga hmuh mi 12 leh RAT hmanga hmuh chhuah mi 94 an ni.

Hripui vei hmuh chhuah mi 184-te chu Aizawl khawpuia veng 31 leh khaw dang 21-a mite an ni a; VC/LC zinga hmuh chhuah tamna ber Electric Veng, Aizawlah chuan mi 22 hmuh chhuah a ni. Mi 184 zingah hian naupang kum 18 tling lo mi 21 aia tlem lo an tel a, healthcare worker pahnih an tel bawk.

May 1-6 chhungin Covid-19 vei mi 1,017 hmuh chhuah a ni tawh a, Pathianni tih lohah chuan mi 150 chuang vek hmuh chhuah a ni. Pathianniah hian ZMC laboratory-ah swab sample endik a ni lo. Mizoramah Covid-19 vei mi 7,147 hmuh chhuah a ni tawh a, mipa 4,772 leh hmeichhia 2,375 an ni. Nimin tlai dar 5 thleng khan mi 5,459 (76.38%) chhuahtir an ni tawh a, mi 17 (0.23%) thi tawhin, enkawl mek mi 1,671 (23.28%) an awm.
May 6, Ningania Mizorama swab sample endik dan chu - ZMC laboratory-ah 1,431, TrueNAT-PCR hmangin district pariatah 127 leh RAT hmangin district 10-ah 1,672 a ni a; sample endik zawng zawng chu 3,230 (mipa 1,887 leh hmeichhia 1,343) niin, chu'ng aṭanga hripui vei hmuh 184 chu 5.70% a tling.

Ningania Covid-19 vei hmuh chhuah mi 184 zinga mi 158 chu Mizorama kái chhâwng nia hriat an ni a, mi 26 chu tun hnaia state pawn aṭanga Mizorama lutte an ni. Tualchhunga kái zingah hri kàina hriat loh mi 29 an awm a; Covid-19 natna (symptom) lang chhuak mi 68 an awm bawk. Positive hmuh thar zingah Mizorama chêng nghet ni lo hnam dang pasarih an tel. Nimin khan tlai dar 5 thlengin hripui laka fihlim tawh mi 108 chhuahtir an ni a; Aizawl district-ah mi 44, Lunglei district-ah mi pahnih, Serchhip district 57, Lawngtlai district pathum leh Siaha district leh Kolasib district-ah mi pakhat ve ve an ni.

Hetih lai hian, Covid-19 vei vanga SRH-ZMC-a enkawl lai nimina thi Lalmuanpuii, Ramhlun Venglai chu Covid-19 vei thi-ah chhiar tel a ni lo a; Covid-19 thupuangtu chuan, "ZMC leh IDSP ten uluk taka an zir chian hnuah Pi Lalmuanpuii thih chhan chu Covid-19 ni loin, thin cancer kaihhnawih avanga boral a ni tiin thutlukna an siam a, Covid-19 vanga thiah chhiar tel a ni dawn lo," a ti.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a, chumi hnua hmuh chhuah leh hmasak ber chu June 1, 2020-ah niin, ZMC laboratory-ah hmuh chhuah a ni. ZMC-ah positive 3,418 hmuh chhuah a ni tawh a, TrueNAT-PCR hmangin 796 leh RAT hmangin 2,932 hmuh chhuah a ni tawh.

May 6, 2021 thlengin Mizoramah swab sample 3,23,271 endik a ni tawh a, chu'ng aṭanga Covid-19 positive hmuh tawh zat 7,147 chu 2.21% a ni. Hripui vei hmuh tawh zinga mi 3,888 chu Mizoram chhunga kái chhâwng an ni a, mi 3,259 chu Mizoram páwn aṭanga an rawn luh hnua hmuh chhuah an ni thung.

COVID-19 VEI HMUH THARTE
ZMC-A HMUH CHHUAH - 78
Khua/Veng A zat
Bawngkawn 2
Bawngkawn South 1
Bethlehem Vengthlang 2
Bungkawn 1
Chanmari 3
Chhinga Veng 2
Dinthar 2
Edenthar Veng 1
Electric Veng 5
Falkland Veng 3
Kanan Veng 2
Kulikawn 1
Saron Veng 2
Tanhril Vengthar 12
Tuithiang 11
Ṭhuampui 1
Vaivakawn 1
Sihphir Venghlun 1
Lengpui 3
Nghalchawm 13
CRPF, Kolasib 6
Shivalaya, Darlawng 3

TRUENAT HMANGA HMUH - 12
Horti. College, Thenzawl 5
2nd Bn MAP, Luangmual 6
Tlabung Bawng Veng 1

RAT HMANGA HMUH - 94
Aizawl district: 74
Airport (Aizawl)-a hmuh: 12
Electric Veng 1
Model Veng 1
Ramhlun South 1
Venghlui 1
Lunglei 3
Serchhip 1
Rulpuihlim 1
BSF, Sakawrtuichhun 1
CRPF, Zemabawk 1
Army, Zemabawk 1

Aizawl district-ah hmuhte: 62
Armed Veng South 3
Bawngkawn South 1
Bethlehem Vengthlang 1
Chaltlang 1
Chanmari 4
Chawnpui 2
Chhinga Veng 16
Electric Veng 16
Khatla South 1
Lawipu 5
Ramhlun South 2
Ramthar Veng 1
Tuikual South 3
Tuithiang 1
Tuivamit 2
Zarkawt 1
Sihphir Venghlun 2

Lunglei district-a hmuh
Tlabung Vengchhak 3

Mamit district-a hmuh: 2
Pukzing 1
Kanhmun Screening 1

Kolasib district-a hmuh: 4
Kolasib Vengthar 1
Rengtekawn 1
Vairengte Screening (Kolasib) 2

Lawngtlai district-a hmuh: 11
Borapansury-I 1
Karlui-I 5
Borkolok 1
Lawngtlai Vengpui 1
Khawmawi 1
Kamalanagar-III 2

Saitual district-a hmuh
North Lungpher 1