Hachhek Bialtu MLA-in tui a sem

Hachhek bialtu MLA Lalrindika Ralte chuan a bial chhunga Kawrthah khuain tuiah harsatna an tawh avangin nimin khan a thlâwnin mipui hnenah tui a sem.

Ruahtui a tlâk mumal loh avang leh tui pump a chian loh avangin Kawrthah hian kum dang aiin tuiah an harsa a, chuvang chuan Bialtu MLA chuan mipui hnenah tui a sem a ni.

Kawrthah khawtlang hruaitute chuan, an MLA hmalakna chu lawmawm an tih thu sawiin, a thlâwna mipui hnena tui sem a ngaih chin tur hre lo mah se, an MLA zarah thlamuang taka an awm thu an sawi.

Lalrindika Ralte chuan, a bial chhunga tui harsatna tâwkte chhâwk zângkhai turin ruahmanna siam zel a tum thu a sawi bawk.