LADC nominated member ruat

Lai Autonomous District Council (LADC)-a nominated member atan mi pali - H Lalramfawna, AOC Veng, Lalthanmawia Colney, Lawngtlai-III, C Biakthangsangi, Vengpui-II leh Z Ngunchhini, Council Vengte ruat an ni.

LADC nominated member tur hi chief executive member (CEM) chuan mi pali a rawt a, chu chu Governor-in a pawmpui hnuah, District Council & Minority Affairs department chuan May 6, 2021 khan hriattirna (notification) a chhuah a ni.

Lawngtlai district-a MNF ṭhalaite chuan thuchhuah siamin, LADC nominated member atan an vice president Lalthanmawia Colney leh an member C Biakthansangi te ruat an ni chu lawmawm an tih thu leh duhsakna an hlan thu an tarlang.