Pawlin hrang hrangin ṭanpuina an hlân

Nimin khan Mizorama páwl hrang hrangin Covid-19 léng leh a kaihhnawih avangin ṭanpuina

an sem.

Goodwill Foundation chuan USA-a hmunpui nei Fischer Jordan nen ṭang dunin nimin khan Aizawla veng ṭhenkhatah chhungkaw harsa zual bikte hnenah buhfai, dailuah, chini, tél leh chì an sem a ni.

Mizorama Harley Davidson motorbike neitu intélkhawm Harley Owners Group chuan nimin khan Aizawl SP leh Traffic SP hnenah inkhuahkhirhna khauh zawk Aizawl khawpuia kalpui meka duty-te mamawh zualpui leina atan Rs. 10,000 ve ve an hlân a; SRH-ZMC-a hman tur personal protective equipment (PPE) 100 leh Lunglei DC hnenah buhfai ip 100 hlan leh an tum bawk.

Kolasib-a Public Health Engineering department leh Kolasib One Stop Centre hotute chuan nimin khan Covid-19 léng donaa a ṭul apianga hman turin Kolasib District Task Force on Covid-19 chairman Dr H Lalthlangliana, bawrhsap hnenah thawktute pawisa thawh khawm Rs. 61,140 leh quarantine centre-a hman tur bungrua eng emaw zat an hlân.