Containment zone/area kaihhruaina

Mizoram sorkar thuchhuah chuan May 6, Ningani khan containment zone/area chungchanga inkaihhruaina, Standard Operating Procedure (SOP) a tarlang a; tih tur leh tih loh tur tarlante chu a hnuaia mite hi a ni.

1. Surveillance team-in containment zone/area chhunga Covid-19 positive an hmuhte chu a theih chin chinah home isolation/CCCC-ah an dah tur a ni.

2. Contact tracing leh swab sample test result aṭanga containment area tihzîm theih a nih chuan CMO-in chumi atana recommendation chu DC-ah a thawn ang.

3. Containment zone/area-ah tu mah an lutin an chhuak tur a ni lo. Hei hian DC-in phalna a pek te, bawlhhlawh paihnaa thawktu leh sweeper, tui sem, medical duty leh security personnel-te a huam lo.

4. DC-in containment zone/area aṭanga chhuah phalna a pek turte chu an awmnaLTF/VTF-te'n Covid rinhlelh kai (primary high risk contact) zingah a tel lo a ni tih hriatpuina an pe hmasa tur a ni.

5. Containment zone/area-a cheng zinga phalna nei/exempted category-te chauh lo chuan thu leh awm hma chu mahni in chhuahsan loh tur.

6. Containment zone/area-ah office/school/institution/bank/dawr, etc. hawn loh tur a ni.

7. Containment zone/area chhungah veivah phalna pekte hman lai leh containment puan hnan lirtheite chauh lo chu motor a ding tur a ni lo. Veng danga kal tur lirthei tan ding loa tlân tlang theih a ni ang.

8. Loh theih loh thila containment zone/area-a luh leh chhuah mamawh chu an awmna veng task force-te'n a bialtu incident commander-te hnenah an dilsak ang.

9. Containment zone/area chhungah eibar leh damdawi chungchanga harsatna tâwk an awm loh nan LTF/VTF-te'n ruahmanna an siam ang. Thil ṭulah chuan LTF/VTF-te'n bialtu incident commander hnenah an thlen ang.

10. Containment zone/area chhungah AMC dan hman lai angin bawlhhlawhte thliar hran tur a ni.

11. Bawlhhlawhte chu AMC aṭanga a la khawmtute'n darkar 72 a ral hnuah chauh an lak khawm theih avangin ni khat chhunga bawlhhlawh dah hran phawt tur.

12. A ni hnihna leh ni thumna bawlhhlawh dah hrang lehin, a ni linaah a ni khatna bawlhhlawh chu AMC-in an la khawm ang.

13. Bawlhhlawhte chu garbage bag-ah ṭha taka khunga ṭàwn phui zel tur. Garbage bag-te chu hypochloride solution-in tihthianghlim zel tur a ni.