Zirtawpniah dan bawhchhia 246 man
Mizoram police, local/village task force-te leh executive duty-te chuan nimin, Zirtawpni khan The Mizoram (Containmentand Prevention of Covid-19) Act, 2020 bawhchhia mi 246 an man a, pawisa an chawitir tling khawm chu Rs. 47,300 a ni.
May 6, Ningani zing dar 9 leh nimin zing dar 9 inkarah Covid-19 dan bawhchhia man zinga 177 chu vantlang hmuna hmai tuam lo an ni a; physical distancing zâwm ṭha lo mi 30, vantlang hmuna chil chhâk mi 22, quarantine/isolation facility aṭanga tlân chhuak pakhat, information dik lo petu pakhat leh sorkar dan siam dang zâwm lo mi 15 an ni.
Covid-19 Ordinance/Act hman ṭan hun, May 4, 2020 aṭanga nimin zing dar 9 thleng khan dan bawhchhia mi 89,363 man an ni tawh a, chawitir tlingkhawm chu Rs. 1,78,87,800 a tling.
