Covid-19 vangin State páwnah Mizo pahnih thi

Covid-19 avangin May 8, Inrinni khan Mizoram páwnah Mizo pahnih an thi a, an ruang Mizoramah lâk a ni lo.

Thu dawn danin, Covid-19 vei enkawl mek Dr H Vanlalṭanpuii (43) d/o H Vanlalkeuva, Ramhlun South chu Military Hospital, Secunderabad-ah Inrinni zan dár 10:55 khan a thi a, Hyderabad-ah vui a ni. Amah hi Hyderabad-ah a pasal Indian Navy-a commander Christopher M hoa awm an ni.

Zodinthari (59) d/o H Liankhuma (L), Ramhlun South pawh Inrinni zan dar 11:40 khan Patan Hospital, Kathmandu, Nepal-ah Covid vangin a thi. Kathmandu aṭanga thu dawn danin, Zodinthari hi a pasal Karma Gurung nen an chhungkuaa Kathmandu-a awm an ni a, Covid-19 a vei avangin oxygen mamawh mah se an hmu zo lo.

A ruang hi a chhungte'n an buaipui a rem loh avangin, sipaiin an buaipui a, nimin khan hâl ral a ni.