Khua/veng 14-ah vawk 60 thih belh

10th May, 2021

African Swine Fever (ASF) vangin Mizorama khua leh veng 13, infected area-a puan tawh zinga khua/veng pangaah nimin khan vawk 21 a thi a, nimin vêk khan chhan hriat lohin infected area páwn khua/veng pakuaah vawk 39 a thi bawk.

Animal Husbandry & Veterinary department chhinchhiah danin, Mizorama ASF infected area khua/veng 13-ah March 21, 2021 aṭanga nimin thleng khan vawk 1,802 a thi tawh a, vawk vulh dam lai 5,046 a la awm.

Hetih lai hian, Mizorama khua/veng 60-ah chhan hriat lohin vawk 1,003 a thi tawh a, chu'ng hmun 60-ahte hian vawk dam lai 22,217 a la awm mek a ni.