MLA-in ramria duty-te a tlawh

Lengteng bialtu MLA L Thangmawia chuan Mizoram leh Manipur inrìna Tuivai leia police leh medical duty-te a tlawh a, ṭanpuina a hlân.

L Thangmawia chuan, khaw lum leh thosi karah Mizoram tana duty-te thawhrimna chu ropui a tih thu sawiin, “Mizorama Covid-19 lo lut tur vênna atan he lai hmuna in duty hi thil pawimawh tak a ni,” a ti a, inthlahdah loa tlawmngaihna nen an duty chu chhunzawm zel turin a chah.

Police leh medical duty-te’n an mamawh hrang hrang an thlente chu a hmunah a theih chin chin L Thangmawia hian a bawhzuisak a, an harsatna eng emaw zat chu a hmunah a chinfelsak a ni.

L Thangmawia hian ramria duty-te hnenah hian gas bûr pali, tuizem, solar inverter, ei leh in tur bakah Covid-19 laka invenna hmanraw hrang hrangte a pe a ni.