COVID-19 VANGIN MI 2 THIH BELH

Covid-19 vei enkawl mek Lalthianghlimi (68) w/o VL Nghaka, Kanan Veng, Aizawl chu tukin dar 5:00 SRH-ZMC-ah a thi a, vawiin chhun dar 12-ah vui a ni ang. Amah hi Covid positive a ni tih April 21-ah hmuh chhuah niin, April 23-ah SRH-ah dah luh a ni a, April 25 atangin ICU-ah enkawl a ni.

Chawhma dar 10:30 khan Covid vei SRH-ZMC-a enkawl lai Thangluaia (58), Bawngkawn a thi bawk a, vawiinah vui a ni ang. Amah hi rilpui cancer nei a ni a, phaia inenkawl hnua Mizorama an rawn haw lamah Covid vei a ni tih April 27 khan Lengpui Airport-ah hmuh chhuah niin, CCC-a enkawl a nih hnuah SRH-ah enkawl leh a ni.

Heti hian Mizoramah darkar 24 chhungin Covid-19 vei thi mi 5 an awm ta a ni.