Ram zalenna seminar buatsaih

India Independence Day vawi 75-na lawmna, Azaadi Ka Amrut Mahot­sav India at 75 hman mekah nimin khan Art & Culture department leh Higher & Technical Education department-te chuan online hmangin 'First War of Independence 1857' tih thupui zirhona an buatsaih.

Seminar hi Govern­ment Aizawl College-in an thleng a; a hawn­na inkhawm chu GAC principal Prof. C Sang­luaii'n kaihhruaiin, HTE director Nazuk Kumar-i'n inlawmna thu a sawi. Chawhnuah GAC-a History department zirtirtute aṭangin First War of Independence 1857 chungchangah thu an sawi a ni.

Seminar-ah hian GAC-a Eco Club-in 'Lei­lung mawina' tih thupuia hmanga thlalak intihsiak an buatsaiha lawmman latute hnenah lawmman hlan a ni a; GAC Covid-19 Committee-in GAC Blue Sky Contest an buatsaih result puan a ni bawk.