COVID-19: Mizoram dinhmun : Hripui vei mi 73 hmuh belh a ni
May 9, Pathianni khan Mizoramah Covid-19 vei mi 73 hmuh chhuah a ni a, May thlaa hmuh chhuah tlem ber ní a ni. Nimin khan hripui vei mi pahnih an thi a, hripui laka fihlim tawh mi 86 chhuahtir an ni.
Covid-19 vei hmuh thar mi 73-te chu mipa 38 leh hmeichhia 35 an ni a; TrueNAT-PCR hmanga hmuh chhuah mi panga leh RAT hmanga hmuh chhuah mi 68 an ni. ZMC laboratory-ah swab sample endik a ni lo.
Hripui vei hmuh chhuah tharte chu Aizawla veng 16 leh khaw dang 10-a mite an ni a; naupang 22 aia tlem lo an tel bakah, naute kum 1 mi pahnih leh kum 2 mi pahnih an tel.
Pathianni kha May thla bika Covid-19 positive hmuh tlem ber ní a ni a, ZMC-ah sample endik a awm loh vanga ngaih a ni. May thlaah hian ni 9 chhungin Covid-19 positive mi 1,493 hmuh chhuah a ni tawh.
Mizoramah Covid-19 vei mi 7,623 hmuh chhuah a ni tawh a, mipa 5,062 leh hmeichhia 2,561 an ni. Nimin tlai dar 5 thleng khan mi 5,841 (76.62%) chhuahtir an ni tawh a, mi 22 (0.29%) thi tawhin, enkawl mek mi 1,760 (23.09%) an awm.
May 9, Pathiannia Mizorama swab sample endik dan chu - TrueNAT-PCR hmangin district pangaah 149 leh RAT hmangin district pakuaah 755 a ni a; sample endik zawng zawng chu 904 (mipa 605 leh hmeichhia 299) niin, chu'ng aṭanga hripui vei hmuh 73 chu 8.10% a tling.
Pathiannia Covid-19 vei hmuh chhuah mi 73 zinga mi 65 chu Mizorama kái chhâwng nia hriat an ni a, mi pariat chu tun hnaia state pawn aṭanga Mizorama lutte an ni. Tualchhunga kái zingah hri kàina hriat loh mi 20 an awm a; Covid-19 natna (symptom) lang chhuak mi 43 an awm.
Mi 73 zingah West Bengal inthlana duty zo rawn haw Mizoram police mi pathum an tel a, healthcare worker pakhat a tel bawk. Nimin khan tlai dar 5 thlengin hripui laka fihlim tawh mi 86 chhuahtir an ni a; Aizawlah mi 46, Serchhip district-ah mi 18,Lunglei district-ah mi 12, Lawngtlai district-ah mi paruk, Champhai leh Mamit district-ah mi pahnih ve ve an chhuak a ni.
Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a, chumi hnua hmuh chhuah leh hmasak ber chu June 1, 2020-ah niin, ZMC laboratory-ah hmuh chhuah a ni. ZMC-ah positive 3,572 hmuh chhuah a ni tawh a, TrueNAT-PCR hmangin 834 leh RAT hmangin 3,216 hmuh chhuah a ni tawh.
May 8, 2021 thlengin Mizoramah swab sample 3,29,805 endik a ni tawh a, chu'ng aṭanga Covid-19 positive hmuh tawh zat 7,623 chu 2.31% a ni. Hripui vei hmuh tawh zinga mi 4,225 chu Mizoram chhunga kái chhâwng an ni a, mi 3,398 chu Mizoram páwn aṭanga an rawn luh hnua hmuh chhuah an ni thung.
Khua/Veng A zat
Armed Veng 5
Bethlehem VT 2
Chanmari 4
Chanmari West 2
Chhinga Veng 6
Damveng 1
Dawrpui 1
Edenthar Veng 2
Electric Veng 11
Falkland Veng 1
Govt. Complex 1
Kanan Veng 6
Maubawk 1
Ramhlun South 3
Republic VT 1
Venghlui 4
Falkawn 1
Sairang Vengthar 3
Lunglei district
Lunglei Salem Veng 1
Siaha district
New Siaha 1
New Colony 5
College Vaih 2
Kolasib district
Bualpui 1
Serchhip district
Chhingchhip 1
Kram Infracon, Serchhip 1
Lawngtlai district
Damdep 1
Kamalanagar 3
Khawzawl district
2nd IR, Khawzawl 2