Ráltlânte hnenah ṭanpuina pe

Steering Committee for Myanmar, Lunglei hruaitute chuan Tuipui-D khuaa Myanmar ráltlânte hnenah ṭanpuina - buhfai, thawmhnaw, damdawi leh ni tin mamawh chi hrang hrang an hlân. Steering Committee for Myanmar, Lunglei chairman P Lalhmangaihzuala chuan, nimin Thawhṭanni aṭangin Mizoram pumah total lockdown kalpui a nih dawn avangin ráltlânte hnena thilpek hlan chu a hmanhmawhthlak tih a sawi a; Myanmar buaina avangin Zo hnahthlak, Mizorama lutte tan Lungleiah charity concert an buatsaih tawh thu leh Hnahthial district chhung khawchhak tlangdunga khaw pangaah ráltlante ṭanpuina an pek tawh thu a sawi bawk.