Inkhuahkhirhna chungchang MJA sawipui

Kolasib DC Dr H Lalthlangliana chuan nimin khan a pisaah Kolasib District MJA member-te a kâwm a; inkhuahkhirhna kalpui chhunzawm dan chungchang a sawipui.

Dr H Lalthlangliana chuan, inkhuahkhirna thupek awm sa chhunzawmna a nih angin mipui chîâi lo tura a duh thu a sawi a, "Kolasib khaw chhunga hripui veite ngun taka zir chian a nih hnuah a tam ber chu ṭhenawm khawveng inlènpawh nasat vang niin a lang. Mahni veng ṭheuhah ṭhenawm khawvéng intlawhpawh lo tura kan inkhap theih chuan hri donaa kan hmalakna a sâwt phah hle ang," a ti.