RIPANS-in siamsak dawn

AMC Ward-VIII councillor Christina Roluahpuii Sailo ngenna angin Regional Institute of Paramedical and Nursing Sciences (RIPANS) chuan Ward VIII-a hman turin hand sanitiser leh disinfectant an siamsak dawn.

Christina Roluahpuii hian nimin khan RIPANS-a Department of Pharmacy head of department Dr H Lalhlenmawia leh thawktu dangte a kâwm a; an ward chhungah Covid-19 vei ṭhahnem tak an awm thu te, home isolation leh home quarantine eng emaw zat an awm thute leh, a bial chhungah community covid care centre siam thar a nih dawn thute sawiin, sanitiser leh disinfectant mamawhna a sàn dawn thu a hrilh a ni.

Ruahmanna siam dan chuan, sanitiser leh disinfectant siamna hmanruate chu Ward VIII Councillor-in a tum ang a, RIPANS-in a thlàwnin a siamsak ṭhin dawn a ni.