Covid-19 donaa hmalakna sawiho

Hnahthial District Task Force on Covid-19 leh village task force (VTF)-te chu nimin khan an chairman H Dolianbuaia, bawrhsap hoin DC conference hall-ah an ṭhu a, an hmalak tawhna leh hmalak zel dan tur an sawiho.

Dolianbuaia chuan, Hnahthial district-ah Covid-19 vei enkawl lai an awm loh thu sawiin, "Kan dinhmun a ṭha kan tih rualin, zan khat thil thua inchhui ngai awm thluah thei tho kan ni a, kan fimkhur a ngai hle," a ti a; total lockdown kalpui mekah chhuanchham leh harsa zual an awm leh awm lohte ngaihven turin VTF-te a chah.

Ṭhutkhawmah hian lirtheia 'On Covid-19 duty' tih intára duty paltlang tum an awm ṭhin thu leh an ngaimawh thu sawi a ni a; chutiang lirtheite chu endik zel ni se, an ti. Sorkarin inkaihhruaina a siamte ṭha taka kenkawh an rel bawk.

Hnahthial district-ah hian Covid-19 vei mek an awm lo a, khung hran lai mi 30 an awm. District Hospital-ah oxygen búr 19 leh concentrator paruk a awm mek a ni.