Minister R Lalzirliana'n Covid-19 a vei

12th May, 2021

Cabinet minister R Lalzirliana'n Covid-19 a vei tih nimin khan Rapid Antigen Test (RAT) hmangin hmuh chhuah a ni.

Vanglaini thu dawn danin, R Lalzirliana te chhungkua hi ina inkhung (home quarantine) lai an ni a, May 8, 2021 khan an chhungkuain RAT hmanga endik tawh niin, an fapa pakhatin hripui a vei tih hmuh a ni. A hnuah R Lalzirliana nupuiin Covid-19 symptom a neih avangin nimin khan RAT hmanga endik leh an ni a, an nupa leh an ina cheng pakhatin hripui an vei tih hmuh chhuah a ni.

R Lalzirliana hi RTPCR hmanga endik leh turin May 10 khan a sample lak leh a ni a, he thu ziah lai hian result a la chhuak lo. R Lalzirliana hian Covid-19 vaccine a la kim tawh a, a nupuiin dose khat a la tawh thung.