Containment zone puan belh

12th May, 2021

Aizawl DC Dr Lalhriatzuali Ralte chuan Aizawl khawpuia containment zone a puan tawhte bakah, veng palia hmun ṭhenkhat chu Covid-19 vei tamna hmun a nih avangin containment zone/area-ah a puan belh leh a ni.

1. Bethlehem Vengthlang: Bethlehem Venglai biak-in chhak lam leh thlang lam te, College Veng panna kawng chhehvel te, Field Veng vel te, biak-in thlang lamte a tel.
2. Electric Veng: Section-3 Bial-5 chhungah Sakawrpului aṭanga Lalhmingthanga (H.No. B-94) te in, Electric Veng ramri thleng leh kawng hnuai lamah Zoramthanga Pautu in aṭanga Chhinga Veng ramri thlengin.
3. Chanmari: Section-2 Y-Road-ah Thangmawia in aṭanga Zo Rûn bul thleng leh, Section-2 RW-Road kawngthlang lamah Nutluangi in aṭanga Chief Guest House thleng.
4. Armed Veng South: Kutcha Lane (middle) te, Kutcha Lane Lower leh a chhehvel te, Kutcha Lane (Upper) kawngte a tel.