COVID-19: Mizoram dinhmun : Hripui vei 172 hmuh belh a ni

May 10, Thawhṭanni khan Mizoramah Covid-19 vei mi 172 hmuh chhuah a ni a, May thlaah ni 10 chhungin mi 1,665 hmuh chhuah a ni tawh. Nimin khan hripui laka fihlim mi 82 chhuahtir an ni.

Covid-19 vei hmuh tharte chu mipa 94 leh hmeichhia 78 an ni a; ZMC laboratory-a hmuh chhuah mi 85, TrueNAT-PCR hmanga hmuh mi 11 leh RAT hmanga hmuh chhuah mi 76 an ni.

Hripui vei hmuh chhuah tharte chu Aizawla veng 27 leh khaw dang 15-a mite an ni a; naupang 18 aia tlem lo an tel bakah, naute kum 1 mi pakhat leh kum 2 mi pahnih an tel. Hripui vei hmuh chhuah tamna ber veng Bethlehem Vengthlang mi 33-te chu symptom nei vek an ni a, mi pakhat tih loh chu tualchhunga kai an ni.

Mizoramah Covid-19 vei mi 7,795 hmuh chhuah a ni tawh a, mipa 5,156 leh hmeichhia 2,639 an ni. Nimin tlai dar 5 thleng khan mi 6,002 (77.00%) chhuahtir an ni tawh a, mi 22 (0.29%) thi tawhin, enkawl mek mi 1,771 (22.72%) an awm.

May 10, Thawhṭannia Mizorama swab sample endik dan chu - ZMC laboratory-ah 1,245, TrueNAT-PCR hmangin district pariatah 145 leh RAT hmangin district 10-ah 2,168 a ni a; endik zawng zawng chu 3,558 (mipa 2,055 leh hmeichhia 1,503) niin, chu'ng aṭanga hripui vei hmuh 173 chu 4.90% a tling.

Hripui vei hmuh thar 172-te chu Aizawl district-a hmuh 142, Khawzawl district-a hmuh pakua, Lunglei district-a hmuh pariat, Saitual district-a hmuh pali, Siaha district-a hmuh pathum, Champhai leh Mamit district-a hmuh mi pahnih ve ve leh, Kolasib leh Lawngtlai district-a hmuh mi pakhat ve ve an ni.

Mi 172 zinga mi 142 chu Mizorama kái chhâwng nia hriat an ni a, mi 20 chu tun hnaia state pawn aṭanga Mizorama lutte an ni. Tualchhunga kái zingah hri kàina hriat loh mi 45 an awm a; Covid-19 natna (symptom) lang chhuak mi 50 an awm. Mi 172 zingah West Bengal inthlana duty zo rawn haw Mizoram police mi pakua an tel.

Nimin khan tlai dar 5 thlengin hripui laka fihlim tawh mi 82 chhuahtir an ni a; Aizawl district case mi 50, Lunglei district mi pariat, Lawngtlai district pali, Serchhip district 14 leh Saitual district case mi paruk an chhuak.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a, chumi hnua hmuh chhuah leh hmasak ber chu June 1, 2020-ah niin, ZMC laboratory-ah hmuh chhuah a ni. ZMC-ah positive 3,657 hmuh chhuah a ni tawh a, TrueNAT-PCR hmangin 845 leh RAT hmangin 3,292 hmuh chhuah a ni tawh.

May 10, 2021 thlengin Mizoramah swab sample 3,33,364 endik a ni tawh a, chu'ng aṭanga Covid-19 positive hmuh tawh zat 7,795 chu 2.36% a ni. Hripui vei hmuh tawh zinga mi 4,367 chu Mizoram chhunga kái chhâwng an ni a, mi 3,428 chu Mizoram páwn aṭanga an rawn luh hnua hmuh chhuah an ni thung.

COVID-19 VEI HMUH THARTE
Khua/Veng A zat
Armed Veng 3
Armed Veng South 4
Bawngkawn 2
Bethlehem Veng 1
Bethlehem Vengthlang 33
Bungkawn Vengthar 4
Chaltlang 2
Chanmari 2
Chawnpui 5
Chhinga Veng 9
Dawrpui 2
Dawrpui Vengthar 2
Dinthar 16
Durtlang (BSF) 2
Electric Veng 9
Khatla 1
Khatla South 1
Kulikawn 1
Melthum 3
Ramhlun South 9
Ramhlun Venglai 1
Ramrikawn 1
Saron Veng 3
Thakthing 1
Tuikual North 1
Ṭhuampui 6
Venghlui 6

Lunglei district
Lunglei Chanmari 2
Lunglei (BSF) 1
Tlabung Zawlpui 6

Siaha district
Siahatla 1
New Colony 2
Tuisumpui 1

Champhai district
Champhai Vengthar 2

Kolasib district
Kolasib Ṭumpui 1

Serchhip district
Serchhip 1

Lawngtlai district
Borapansury-I 1

Mamit district
Lengpui (CRPF - 3) 6
Rawpuichhip 1
Phuldungsei 1
Suarhliap 2

Saitual district
Dilkhan 4

Khawzawl district
Khawzawl (2nd IR) 10